REIMóNDEZ, MARíA
Escrito por María Reimóndez e ilustrado por Vanesa Álvarez, "O meu avó e o queixo" é o título dunha orixinal historia entre un avó e a súa neta tecida de afecto, humor e gastronomía. Conta cunhas orixinais ilustracións inspiradas nos graffitis urbanos. Avó e neta comparten o seu amor polo queixo. Entre eles establécese un divertido diálogo a través do cal iremos descubrindo deliciosos queixos de Galicia e do mundo, como o Manchego, o do Cebreiro, o de Arzúa ou o Gruyère. Os momentos compartidos entre neta e avó convértense en grandes ventás abertas a un mundo... que é redondo como un queixo!